No Image
No Image

Bakı üç erməni hərbçini sərbəst buraxdı

Bakı üç erməni hərbçini sərbəst buraxdı
Bakı xoş niyyətini nümayiş etdirərək üç erməni hərbçini sərbəst buraxıb.

Sfera.az  xəbər verir ki, Azərbaycan Prezidenti İlham Əliyevin növbəti dəfə nümayiş etdirdiyi humanizmə və humanist siyasətə uyğun olaraq, 10 noyabr 2020-ci ildə imzalanmış üçtərəfli bəyanatdan sonra Qarabağda tərksilah edilmiş və barələrində həbs qətimkan tədbiri seçilmiş üç nəfər Ermənistan silahlı qüvvələrinin hərbi qulluqçusu azad edilib.

Həmin şəxslər yaxın saatlarda Rusiya sülhməramlılarının komandanı Rüstəm Muradovun müşayiəti ilə Bakı-İrəvan istiqamətində uçuş edəcək hərbi təyyarə ilə İrəvana çatdırılacaqlar.

Azad olunan şəxslər bunlardır: Rovert Vardanyan, Şuxyan Samvel, Tamrazyan Seyran.

İstintaq prosesi çərçivəsində Ermənistan vətəndaşları olan bu şəxslərin Ermənistan silahlı qüvvələrinin hərbi qulluqçuları olması təsbit edilsə də, onların əməllərində cinayət tərkibi, o cümlədən mülki və ya hərbi Azərbaycan vətəndaşlarının öldürülməsi və ya yaralanması ilə nəticələnən əməliyyatlarda iştirakı müəyyən edilməyib. 

Azərbaycanın nümayiş etdirdiyi yüksək humanizm siyasətinə Ermənistan tərəfindən humanizm prinsipləri ilə cavab verilmir.

Ermənistan minalanmış ərazilərin xəritələrini hələ də gizlədir. Minalanmış ərazilər mülki və hərbi şəxslərin ölümü və yaralanması ilə nəticələnir.

Birinci Qarabağ müharibəsi dövründən itkin düşmüş hesab olunan 4000-dən artıq Azərbaycan vətəndaşı barəsində Ermənistan tərəfindən məlumat verilmir. Onların əksəriyyəti öldürülüb və kütləvi məzarlıqlarda basdırılıb. Belə məzarlıqlardan biri Kəlbəcərin Başlıbel kəndində müəyyən edilib.

Birinci Qarabağ müharibəsində Ermənistan tərəfdə əsirlikdə olduğu və sağlığı Beynəlxalq Qızıl Xaç Komitəsi tərəfindən də təsbit edilmiş və müxtəlif yazışmalar aparılmış Azərbaycan vətəndaşları barəsində Ermənistan hələ də məlumat vermir. Yəqin ki, həmin şəxslər işgəncələrlə öldürülüblər. Amma Ermənistan onlar barəsində hər hansı məlumat verməkdən boyun qaçırır.

Ona görə də Ermənistan hansı əsaslarla humanizmdən danışır və hətta bu əsaslarla Azərbaycana qarşı iddialar irəli sürür.
 
(Caliber.az)
Sehliyali
Turan Bank

OXŞAR XƏBƏRLƏR

Şuşanın icra başçısı “Xarıbülbül” festivalında yatdı - FOTO

Şuşanın icra başçısı Bayram Səfərov Cıdır düzündə keçirilən "Xarıbülbül” musiqi festivalı zamanı yuxuya gedib. Sfera.az xəbər verir ki, bu barədə Unikal.o...

Şuşada atəşfəşanlıq oldu - VİDEO

"Arzular gerçəkləşir! Bütün Azərbaycan xalqını təbrik edirəm! Dərin hörmət və sevgilərlə, Sizin MEHRİBAN #QarabağAzərbaycandır #Şuşa". Sfera.az xəbər veri...

Ölkəmizdə koronaya yoluxanların sayı açıqlandı

Azərbaycanda koronavirus (COVID-19) infeksiyasına 558 yeni yoluxma faktı qeydə alınıb, 1454 nəfər müalicə olunaraq sağalıb. Nazirlər Kabineti yanında Oper...

Bu laborator analizləri pulsuz verə bilərik - SİYAHI

İcbari Tibbi Sığorta üzrə Dövlət Agentliyi vətəndaşlara ödənişsiz təqdim olunan laboratoriya xidmətlərinin siyahısını açıqlayıb.  Sfera.az xəbər veri...

Şuşada canlı yayımla bayram namazı qılınacaq - VİDEO

Azərbaycanın işğaldan azad edilmiş Şuşa şəhərində Ramazan bayramı namazı qılınacaq.  Sfera.az xəbər verir ki, bununla bağlı Bakı Media Mərkəzi məluma...

DTX əməkdaşları Ümummilli lider Heydər Əliyevin xatirəsini yad ediblər - FOTO

DTX əməkdaşları Ümummilli Liderin əziz xatirəsini yad etmişlər. Sfera.az xəbər verir ki, müstəqil Azərbaycanın memarı və qurucusu Ümummilli Lider Heydər Əliye...